Кара-Таш  айылдык  кеңешинин  VІ-чакырылышынын  кезексиз  6 сессиясынын

Токтому №16

28.09.2017-жыл                                                                 үңкүр айылы

                                                      Кара-Таш айыл өкмөтүндөгү

                                                      № 44 „Кызыл-Абад” орто          

                                                     мектебинин  атын өзгөртүү   

                                                     жөнүндө.

Кара-Таш айыл өкмөтүндөгү № 44 „Кызыл-Абад ”орто мектебинин    педагогикалык кеңешинин сунушун бекитип берүү максатында Кара-Таш айылдык кеңеши

                                               Токтом кылат.

1.Кара-Таш айыл өкмөтүндөгү № 44 „Кызыл-Абад” орто мектеби мындан ары  № 44  „ Козубаев Жалан”  атындагы „Кызыл-Абад” орто мектеби деп өзгөртүлсүн

2.Токтомдун  аткарылышын  көзөмөлдөө  жагы Мыйзамдуулук боюнча  туруктуу комиссиясына тапшырылсын.

Кара-Таш айылдык  

кеңешинин  төрагасы:                               Б.Максутов

№-44 „Кызыл-Абад” орто  мектебинин пед кеңеш месинин                                     

                                  № 1 Протоколу                                                 

21.09.2017-ж                                                                  үңкүр айылы

Пед кеңешмеге  бардык          26 мугалимден

катышканы-20

катышпаганы-6

себептүүсү-4

себепсизи-2

                     Каралууга маселе:

1.Ынтымак айылынын тургуну О.Козубаевдин                               арызын кароо

Угулду:  Мектептин директору А.Жанибеков

Ынтымак айылынын тургуну  О.Козубаевдин  арызы менен тааныштырып өттү .Анда мындай деп жазылган  Атам Козубаев Жалан көп жылдар бою ушул мектепте мугалим,окуу  бөлүмүнүн  башчысы, директору  кызматында  иштеп, өмүрүнүн акырына чейин  мугалимдик кызматта иштеп келген. Анын көп жылдык эмгегин эске алып, ушул мектепке ысымын ыйгарууга  макулдук беришиңиздерди суранам деп жазылган.

Каттын негизинде чыгып сүйлөгөн мугалимдер Эргешов Т , Кожоева Б,   Айдарова  Б,  Молдалиев С, Абдраимов Б,Молдалиева  Майрамдар   өз сөзүндө Козубаев Жалан агайдын көп жылдык эмгегин анын  ичинде  ушул  мектептеги  жетекчилик эмгегин баалашып, агайдын ысымын ушул  мектепке татыктуу экендигин баса белгилеп айтып өтүштү жана колдошконун билдиришти.

Маселе, жалпы колго салынып, Козубаев Жалан агайдын ысымы  мектепке ыйгарылсын деген сунушту бардык 20 мугалим бир добуштан колдошту Каршы –жок                                                               Педагогикалык кеңешме  жогорудагы маселени карап чыгып, төмөндөгүдөй чечим кылат

                                       Чечим:

1.Мектепте иштеген көп жылдык педагогикалык жана жетекчилик ишмердүлүгүн  эске алуу менен Козубаев Жалан агайдын ысымын „Кызыл-Абад” орто мектебине ыйгаруу жөнүндөгү „Кызыл-Абад” орто  мектебинин педагогикалык жамаатынын сунушун бекитип берүү жагы Кара-Таш айылдык кеңешинен суралсын.

„Кызыл-Абад” орто

мектепбинин  педагогикалык

        кеңешмесинин  төрагасы:                                      А.Жанибеков

Кара-Таш  айылдык  кеңешинин  VІ-чакырылышынын  кезектеги  5 сессиясынын

Токтому №15

06.09.2017-жыл                                                                 үңкүр айылы

                                                  „Кара-Таш ”айыл өкмөтүндөгү

                                                  „Ийрек ”байланыш   бөлүмүнүн атын

                                                    өзгөртүү жөнүндө.

„Кыргыз  Почтасы” мамлекеттик ишканасынын Өзгөн райондук филиалынын сунушун канааттандыруу максатында Кара-Таш айылдык кеңеши.

                                           Токтом кылат:

1. „Кыргыз Почтасы” мамлекеттик ишканасынын Өзгөн райондук филиалынын сунушу боюнча  Кара-Таш айыл өкмөтүндөгү „Ийрек”байланыш бөлүмү „үңкүр ” байланыш бөлүмү деп аталсын
2. Токтомдун аткарылышын көзөмөлдөө жагы мыйзамдуулук боюнча туруктуу комиссиясына тапшырылсын.

Кара-Таш айылдык

 кеңешинин төрагасы:                                     Б.Максутов