ТОКТОМ
07 -июнь 2024-жыл. № 2/13 Эски-Покровка айылы
Кошумча жер аянтын ажыратып берүү жөнүндө
Кызыл-Октябрь айыл аймагынын айыл өкмөтүнүн башчысы А. Амирбековдун Куршап (Лесхоз) айылындагы № 5-06-12-1004-0463 коду менен катталган айыл чарба авиациясынын ээлеген 4,3 га жер аянтынын ичинен О. Максутов атындагы башталгыч мектебинин жаңы имаратын куруу үчүн кошумча 1,0 га жер аянтын ажыратып берүү жөнүндөгү сунушун угуп, айыл, суу чарба, турак жай жана өнөр жай, курулуш, жерге жайгаштыруу, архитектура, жол транспорт, энергетика коммуникациялар жана экология боюнча туруктуу комиссиясынын корутундусу менен таанышып талкуулап чыгып, Кызыл-Октябрь айыл аймагынын айылдык кеңеши
ТОКТОМ КЫЛАТ:
1.Куршап (Лесхоз) айылындагы № 5-06-12-1004-0463 коду менен катталган айыл чарба авиациясынын ээлеген 4,3 га жер аянтынын ичинен О. Максутов атындагы башталгыч мектебинин жаңы имаратын куруу үчүн кошумча 1,0 га жер аянтын ажыратып берүүгө макулдук берилсин.
2.Токтомду мыйзамдын талаптарына ылайык аткаруу жагы айыл аймагынын айыл өкмөт башчысы А. Амирбековко милдеттендирилсин.
3.Ушул токтомдун аткарылышын көзөмөлдөө айылдык кеңештин айыл, суу чарба, турак жай жана өнөр жай, курулуш, жерге жайгаштыруу, архитектура, жол транспорт, энергетика коммуникациялар жана экология боюнча туруктуу комиссиясына жуктөлсүн.
Төрага М. А. Камалов
|
Кызыл-Октябрь айыл аймагынын айылдык кеңешинин VII чакырылышынын кезексиз III сессиясы
|
ТОКТОМ
07 -июнь 2024-жыл. № 2/14 Эски-Покровка айылы
Токтомдун күчүн жоготту деп табуу жөнүндө
Кызыл-Октябрь айыл аймагынын айыл өкмөтүнүн башчысы А. Амирбековдун жаңы мектеп куруу үчүн берилген жерди өзгөртүү (башка жактан берүү) жөнүндөгү сунушун жана Эски-Покровка айылындагы Мамасалы Тешебаев атындагы орто мектебине жаңы имарат куруу учүн жер аянтын башка жайга алмаштыруу жөнүндөгү мектеп директору М. Темировдун 2024-жылдын 03-июнундагы № 233 номери менен катталган өтүнүч катын эске алуу менен талкуулап чыгып, Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамынын 39-беренесинин 5-пунктуна таянып, Кызыл-Октябрь айыл аймагынын айылдык кеңеши
ТОКТОМ КЫЛАТ:
1.Кызыл-Октябрь айылдык кеңешинин жаңы мектептин жерин трансформациялоого макулдук берүү жөнүндөгү 14-июль 2023-жылдагы № 119 сандуу токтому күчүн жоготту деп табылсын.
2.Ушул токтомдун аткарылышын көзөмөлдөө айылдык кеңештин мыйзамдуулукту, укук тартибин чыңдоо, регламент, депутаттык этика, жарандардын укугун жана кызыкчылыгын коргоо боюнча туруктуу комиссиясына жүктөлсүн.
Төрага М. А. Камалов
|
Кызыл-Октябрь айыл аймагынын айылдык кеңешинин VII чакырылышынын кезексиз III сессиясы
|
ТОКТОМ
07-июнь 2024-жыл. № 2/ 15 Эски-Покровка айылы
Трансформациялоого макулдук берүү жөнүндө
Кызыл-Октябрь айыл аймагынын айыл өкмөтүнүн башчысы А. Амирбековдун Эски-Покровка айылына жаңы мектеп куруу үчүн берилген жерди өзгөртүү (башка жактан берүү) жөнүндөгү сунушун угуп талкуулап чыгып, Кыргыз Республикасынын Жер кодексинин 13-беренсине жана Кыргыз Республикасынын 2022-жылдын 20-январындагы № 6 мыйзамынын 15-беренесинин 8,4 пунктуна, Кыргыз Республикасынын Өкмөтүнүн 2014-жылдын 19-мартындагы № 169 токтомуна, Кыргыз Республикасынын 2009-жылдын 31-июлундагы № 257 “Сугат айдоо жерлерин жарактуу жерлердин башка категорияларына жана түрлөрүнө которууга (трансформациялоого) мораторий киргизүү жөнүндө” мыйзамынын 1-беренесине таянып, Кызыл-Октябрь айыл аймагынын айылдык кеңеши
ТОКТОМ КЫЛАТ:
1.Эски-Покровка айылындагы айыл чарба жерлеринин мамлекетик фондунун сугат айдоо эсебиндеги № 400-контурдагы 1,60 га жер аянтын мектеп куруу үчүн “Айыл чарба багытындагы жерлери” категориясынан “Калктуу конуштардын жерлери” категориясына которууга (трансформациялоого) макулдук берилсин.
2.Токтомду мыйзамдын талаптарына ылайык аткаруу жагы айыл аймагынын айыл өкмөт башчысы А. Амирбековко милдеттендирилсин.
3.Ушул токтомдун аткарылышын көзөмөлдөө айылдык кеңештин айыл, суу чарба, турак жай жана өнөр жай, курулуш, жерге жайгаштыруу, архитектура, жол транспорт, энергетика коммуникациялар жана экология боюнча туруктуу комиссиясына жуктөлсүн.
Төрага М. А. Камалов
|
Кызыл-Октябрь айыл аймагынын айылдык кеңешинин VII чакырылышынын кезексиз III сессиясы
|
ТОКТОМ
07-июнь 2024-жыл. № 2/16 Эски-Покровка айылы.
Муниципиалдык ишканаларды жана жайыт, “Үч-Алыш”
бирикмелерин бириктирүү жөнүндө
Кызыл-Октябрь айыл аймагынын айыл өкмөт башчысы А. Амирбековдун таза суу, тазалык муниципиалдык ишканаларын, жайыт пайдалануучулар жана “Үч-Алыш” суу пайдалануучулар бирикмелерин бириктирүү жолу менен Кызыл-Октябрь муниципиалдык ишканасын түзүү жөнүндөгү сунушун угуп, уставы менен таанышып талкуулап чыгып, Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамынын 34-беренесине таянып, Кызыл-Октябрь айыл аймагынын айылдык кеңеши
ТОКТОМ КЫЛАТ:
1.Таза суу, тазалык муниципиалдык ишканаларын, жайыт пайдалануучулар жана “Үч-Алыш” суу пайдалануучулар бирикмелерин бириктирүү жолу менен Кызыл-Октябрь муниципиалдык ишканасын түзүүгө макулдук берилсин.
2.Кызыл-Октябрь муниципиалдык ишканасы Ош юстиция башкармалыгынан каттоодон өтсүн.
3.Токтомду мыйзамдын талаптарына ылайык аткаруу жагы айыл аймагынын айыл өкмөт башчысы А. Амирбековко милдеттендирилсин.
4.Токтомдун аткарылышын көзөмөлдөө мыйзамдуулукту, укук тартибин чыңдоо, регламент, депутаттык этика, жарандардын укугун жана кызыкчылыгын коргоо боюнча туруктуу комиссиясына жүктөлсүн.
Төрага М. А. Камалов.
|
Кызыл-Октябрь айыл аймагынын айылдык кеңешинин VII чакырылышынын кезексиз III сессиясы
|
ТОКТОМ
07 -июнь 2024-жыл. № 2/17 Эски-Покровка айылы
Акча каражаттарын жергиликтүү бюджетке кирешелөө жөнүндө
Кызыл-Октябрь айыл аймагынын айыл өкмөтүнүн Социалдык-экономикалын өнүктүрүү бөлүмүнүң башчысынын милдетин убактылуу аткаруучу А. Абдуллаевдин П. Жолдошов атындагы мектептин айланасындагы теректерди сатуудан түшкөн 150,000 (бир жүз элүү миң) сом акча каражатын жергиликтүү бюджетке кирешелөө жана атайын акча каражаттан бала бакчалардын тамак ашынан 2023-жылдан ашып калган 185,400 (бир жүз сексен беш миң төрт жүз) сом акча каражатын 2024-жылдын бюджетине кошуу жөнүндөгү сунушун жана финансы, экономикалык маселелер, инвестиция тартуу жана ишкердик иштер боюнча туруктуу комиссиясынын корутундусу менен таанышып талкуулап чыгып, Кызыл-Октябрь айыл аймагынын айылдык кеңеши
ТОКТОМ КЫЛАТ:
1.Теректерди сатуудан түшкөн 150,000 (бир жүз элүү миң) сом акча каражаты жергиликтүү бюджетине кирешеленсин жана 2221-беренеге отургузулсун.
2.Атайын акча каражаты 185,400 (бир жүз сексен беш миң төрт жүз) сом акча каражатын 2024-жылдын жергиликтүү бюджетине кирешеленсин жана 2218- беренеге отургузулсун.
3.Токтомду мыйзамдын талаптарына ылайык аткаруу жагы айыл аймагынын айыл өкмөт башчысы А. Амирбековко милдеттендирилсин.
4.Ушул токтомдун аткарылышын көзөмөлдөө айылдык кеңештин финансы, экономикалык маселелер, инвестиция тартуу жана ишкердик иштер боюнча туруктуу комиссиясына жуктөлсүн.
Төрага М. А. Камалов
|
Кызыл-Октябрь айыл аймагынын айылдык кеңешинин VII чакырылышынын кезексиз III сессиясы
|
ТОКТОМ
07 -июнь 2024-жыл. № 2/18 Эски-Покровка айылы
Сеңир айылынын көчөлөрүнүн бирине Тиллебаев Каримдин
ысмын ыйгаруу жөнүндө
Кызыл-Октябрь айыл аймагынын айыл өкмөтүнө караштуу Сеңир айылынын көчөлөрүнүн бирине Сеңир айылынын тургундарынын 2024-жылдын 24-апрелиндеги элдик жыйындын протоколун жана билим берүү, саламаттыкты сактоо, социалдык маселелер, маданият, этика, регламент (каада-салт, дин,тил) жаштар жана спорт боюнча туруктуу комиссиясынын корутундусу угуп талкуулап чыгып, Кызыл-Октябрь айыл аймагынын айылдык кеңеши
ТОКТОМ КЫЛАТ:
1.Сеңир айылынын Амирбек Эркебаев көчөсүнөн, Ахмат Үсөнбаев көчөсүнө чейинки жолго Тиллебаев Каримдин ысмын ыйгарууга макулдук берилсин.
2.Токтомду мыйзам талаптарына ылайыктуу аткаруу жагы Сеңир айылынын айыл башчысы Э. Араповко жана К. Тиллебаевтердин уул кыздарына милдеттендирилсин.
3.Токтомдун аткарылышын көзөмөлдөө билим берүү, саламаттыкты сактоо, социалдык маселелер, маданият, тазалык, (каада салт, дин, тил), соода саттык, тейлөө, жаштар жана спорт боюнча туруктуу комиссиясына жүктөлсүн.
Төрага М. А. Камалов.
|
Кызыл-Октябрь айыл аймагынын айылдык кеңешинин VII чакырылышынын кезексиз III сессиясы
|
ТОКТОМ
07-июнь 2024-жыл. № 2/19 Эски-Покровка айылы.
Кызыл-Октябрь айыл аймагынын “Ардактуу атуулун” берүү жөнүндө
Кызыл-Октябрь айыл аймагынын Кочкор-Ата айылынын тургундарынын 2024-жылдын 20-майындагы элдин жыйындын протоколун жана билим берүү, саламаттыкты сактоо, социалдык маселелер, маданият, этика, регламент (каада-салт, дин,тил) жаштар жана спорт боюнча туруктуу комиссиясынын корутундусу менен таанышып талкуулап чыгып, Кызыл-Октябрь айыл аймагынын жергиликтүү жамаатынын уставынын 39.1 пунктуна таянып, Кызыл-Октябрь айыл аймагынын айылдык кеңеши
ТОКТОМ КЫЛАТ:
1.Кочкор-Ата айылынын тургуну Малашов Билимбек Абылкасымовичке Кызыл-Октябрь айыл аймагынын “Ардактуу атуулу” наамын берүүгө макулдук берилсин.
2.Токтомдун аткарылышын көзөмөлдөө билим берүү, саламаттыкты сактоо, социалдык маселелер, маданият, этика, регламент (каада-салт, дин,тил) жаштар жана спорт боюнча туруктуу комиссиясына жүктөлсүн.
Төрага М. А. Камалов
ТОКТОМ
07 -июнь 2024-жыл. № 2/20 Эски-Покровка айылы
Кочкор-Ата айылындагы спорт залга Малашов Абылкасымдын
ысмын ыйгаруу жөнүндө
Кочкор-Ата айылынын тургундарынын элдик жыйындын протоколун, К. Өмүрзаков атындагы орто мектебинин педогогикалык кеңешмесинин, профсоюз уюмунун бириккен протоколун, Кочкор-Ата айылынын тургундарынын элдин жыйындын протоколун жана билим берүү, саламаттыкты сактоо, социалдык маселелер, маданият, этика, регламент (каада-салт, дин,тил) жаштар жана спорт боюнча туруктуу комиссиясынын корутундусу менен таанышып талкуулап чыгып, Кызыл-Октябрь айыл аймагынын айылдык кеңеши
ТОКТОМ КЫЛАТ:
1.Кочкор-Ата айылындагы спорт залга маркум Малашов Абылкасымдын ысмын ыйгарууга макулдук берилсин.
2.Токтомду мыйзам талаптарына ылайыктуу аткаруу жагы Кочкор-Ата айылынын айыл башчысы Э.Араповко жана Малашов Абылкасымдын уул кыздарына милдеттендирилсин.
3.Токтомдун аткарылышын көзөмөлдөө билим берүү, саламаттыкты сактоо, социалдык маселелер, маданият, тазалык, (каада салт, дин, тил), соода саттык, тейлөө, жаштар жана спорт боюнча туруктуу комиссиясына жүктөлсүн.
Төрага М. А. Камалов
|
Кызыл-Октябрь айыл аймагынын айылдык кеңешинин VII чакырылышынын кезексиз III сессиясы
|
ТОКТОМ
07 -июнь 2024-жыл. № 2/21 Эски-Покровка айылы
Жергиликтүү бюджеттен каржылоо жөнүндө
Кызыл-Октябрь айыл аймагынын айыл өкмөт башчысы А. Амирбековдун Кызыл-Октябрь айыл аймагындагы орто мектептерден жана бала бакчалардан чыккан таштандыларды чыгарууга жергиликтүү бюджеттен каржылоо жөнүндөгү сунушун угуп талкуулап чыгып, Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө ” Мыйзамынын 34-беренесине таянып, Кызыл-Октябрь айыл аймагынын айылдык кеңеши
ТОКТОМ КЫЛАТ:
1.Кызыл-Октябрь айыл аймагындагы орто мектептерден жана бала бакчалардан чыккан таштандыларды чыгарууга жергиликтүү бюджеттен каржылоого макулдук берилсин.
3.Токтомду мыйзамдын талаптарына ылайык аткаруу жагы айыл аймагынын айыл өкмөт башчысы А. Амирбековко милдеттендирилсин.
4.Ушул токтомдун аткарылышын көзөмөлдөө айылдык кеңештин финансы, экономикалык маселелер, инвестиция тартуу жана ишкердик иштер боюнча туруктуу комиссиясына жуктөлсүн.
Төрага М. А. Камалов
|
Кызыл-Октябрь айыл аймагынын айылдык кеңешинин VII чакырылышынын кезексиз III сессиясы
|
ТОКТОМ
07 -июнь 2024-жыл. № 2/22 Эски-Покровка айылы
Убактылуу депутаттык комиссиясынын курамын түзүү жөнүндө
Кызыл-Октябрь айыл аймагынын айыл өкмөтүнүн башчысы А. Амирбековдун Кызыл-Сеңир айылындагы Куршап дарыясынын боюнда жайгашкан 12,0 га жер аянтын Кызыл-Октябрь айыл аймагынын айыл өкмөтүнүн муниципиалдык менчигине өткөрүү жөнүндөгү сунушун жана айыл, суу чарба, турак жай жана өнөр жай, курулуш, жерге жайгаштыруу, архитектура, жол транспорт, энергетика коммуникациялар жана экология боюнча туруктуу комиссиясынын корутундусу менен таанышып талкуулап чыгып, мурда айыл өкмөтүнүн муниципиалдык менчигине өткөн жерлерди, ижара акыларын жана өтүүчү жерлерди тактоо максатында, Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” мыйзамынын 34-беренесинин 5-пунктуна таянып, Кызыл-Октябрь айыл аймагынын айылдык кеңеши
ТОКТОМ КЫЛАТ:
1.Кызыл-Октябрь айыл аймагынын айылдык кеңешинин убактылуу депутаттык комиссиясы төмөндөгү курамда түзүлсүн.
-Акишов Рашид - убактылуу депутаттык комиссиясынын төрагасы,
-Айбашев Азизбек- убактылуу депутаттык комиссиясынын мүчөсү,
-Арапов Кушбакбек- убактылуу депутаттык комиссиясынын мүчөсү,
-Мурзанбетов Акжол- убактылуу депутаттык комиссиясынын мүчөсү,
-Токтобаев Мирбек- убактылуу депутаттык комиссиясынын мүчөсү,
-Насирова Жамила- убактылуу депутаттык комиссиясынын мүчөсү,
-Камалов Азамат- убактылуу депутаттык комиссиясынын мүчөсү,
-Сатвалдиев Кыялбек- убактылуу депутаттык комиссиясынын мүчөсү,
-Эргешов Осмонали- убактылуу депутаттык комиссиясынын мүчөсү, айыл өкмөтүнүн жетектөөчү адиси.
2.Убактылуу депутаттык комиссиясынын төрагасы Р. Акишовко комиссиянын мүчөлөрү менен биргеликте жеринен барып, айыл өкмөтүнүн муниципиалдык менчигине өткөн жерлерди, ижара акыларын жана өтүүчү жерлерди тактоо иштерин жүргүзүп, кезектеги өтүүчү сессияга сунуштасын.
3.Кызыл-Октябрь айыл аймагынын айыл өкмөт башчысы А. Амирбековко убактылуу комиссиянын аткарылуучу иштерине көмөк көрсөтүү жагы милдеттендирилсин.
4.Ушул токтомдун аткарылышын көзөмөлдөө жагы төраганын орун басары А. Кайкыевке жүктөлсүн.
Төрага М. А. Камалов
